Statuto precedente | successivo
|
[Articolo primmo] [Articolo segondo] [Articolo terzo] [Articolo quarto] [Articolo quinto] [Articolo sesto] [Articolo settimo] [Articolo ottavo] [Articolo nono] [Articolo decimo] [Articolo undicescimo] [Articolo dodiceximo] [Articolo trediceximo] [Articolo quattordiceximo] [Articolo quindiceximo] [Dispoxission transitoia]
 |
A l’à e a dovià sempre avéi a propria sede a Zena; a sò lengua offissiale a l’é a zenéize.
Scopo d’
In ciù, promeuve, parteçipâ e contribuî a tutte e inissiative liguri d'arte, cultua, educassion morale e fixica.
I Soci son impegnae a tegnî äto o nomme de Zena e aggiûttâse mettendo in pratica o
spirito d’
Insegne d’
- o Confalon
- a Bandëa zenéize cö Griffo
- a Tessera sociale
- o Distintivo cö Griffo rosso in campo gianco.
Peuan fâ parte d’
I Soci se distìnguan in Effettivi e Onorari.
Son Soci Effettivi:
- i Soci Ordinari che pagan a quota annua stabilïa da-o Parlamento;
- i Soci Sostegnitoî che pagan ’na quota annua armeno tripla de quella ordinaria;
- i Soci Vitalissi che versan a quota «una tantum», stabilïa da-o Parlamento.
Unna speciale categoria de Soci a saïà formä da personn-e giuridiche (Enti e Societae) liguri che paghiàn unna quota annuale stabilïa da-o Parlamento.
Son Soci Onorari quelli çittadin che aviàn particolarmente illustròu a Liguria con opere de amministrassion, de sciensa, d’arte e de travaggio.
Speciale riconoscimerito de Benemerensa saià rilasciòu ae personn-e o Enti che aviàn, in
quae se sae forma, meritòu a riconoscensa d’
I neuvi Soci paghiàn ’na quota d’iscrission che a vegnià fissä o modificä dä Consulta in rapporto ä quota annuale ordinaia.
Unna quota parte di proventi de quote di Soci d’
No gh’é limite a-o numero di Soci.
A-i effetti de votassioìn saiàn consciderae solo i Soci effettivi in regola cö pagamento de quote. O pagamento de quote sociali o dovià ëse faeto in to primmo trimestre de ogni anno.
Organi d’
- o Parlamento
- a Consulta
- o Consolato.
O Parlamento o l’é l'Assemblea Generale di Soci e solo lê o l’ha a facoltae de modificâ o Statuto Sociale. O se riunisce in Session Ordinaria convocä da-o Consolato armeno unna votta all’anno poscibilmente vixin ä Festa de San Zorzo con preavviso a-i Soci de armeno eutto giorni.
O Parlamento o eleze ogni duî anni unna Consulta de 35 Membri, un Collegio de tréi Scindicatoî o Revisoî di Conti e un Collegio de tréi Probiviri.
O Parlamento o l’appreuva e relassioin e i rendiconti annuali do Consolato, zà primma approvae dä Consulta, o fissa e direttive generali, o ratifica l’eventuale costitussion de delegassioìn, e neuve Sessioìn speciali in ti ätri centri da Liguria e in te ätre Regioìn d’ltalia e all’estero, dove vivan di Zenéixi, e in scë partecipassioìn a-i sensi dell'Articolo segondo.
O Parlamento, in sce proposta da Consulta, o peu nominâ di Consultoî a Vitta tra i
soci che se son particolarmente distinti pe l’attivitae proficua e continua in favô
d'
A votassion di componenti da Consulta a porrià ëse faeta pe scheda segreta o pe alsata de man o pe referendum a domicilio.
O Parlamento o porrià ëse radunòu in sessioìn straordinaïe da-o Consolato o in sce richiesta do 10% di Soci. In te questo caxo a domanda a dovià ëse diretta pe scrito e motivä, a-o Consolato.
A Consulta formä da-i 35 membri eletti da-o Parlamento, e da-i Consultoî a Vitta, a elëze o Console Generale ä Prescidensa, duî Vice Prescidenti e eutto Consoli.
A fissa e direttive de tutte e attivitae sociali, demandandone l'esecussion e a cura di particolari a-o Consolato; a delibera in scï conti de gestion e in scë relassioìn, preventivo e rendiconto annuale da sottoponn-e a-o Parlamento.
A se riunisce armeno unna votta a-o méize e tutte e votte che o Consolato o ritegne necessàio. E sò riunioìn saiän presiedue da un di sò membri nominòu de votta in votta da-i presenti.
Fan parte de diritto da Consulta i Consultoî a Vitta, e un rappresentante pe ogni session o gruppo esterno, de a-o meno trenta soci.
A l’é válidamente costituïa co-a presensa de armeno un terso di sò membri. E sò decisioìn saiän valide se piggiae a maggioransa di presenti.
I Soci peuan asciste a-e sedute.
O Consolato o l’é l’organo esecutivo d’
In to sò sen doviän ëse designae:
un Gran Cançellê
duî Vice Gran Cançellê
un Tesorê Cascê
un Bibliotecaïo
A-o Console Generale, o Prescidente, spëta a rappresentansa dell'Associassion e a trattassion de ogni pratica co-e competenti autoritae o con tersi. In caxo de impedimento o vegnià sostitu'io da un di Vice prescidenti in ordine de anzianitae.
A-o Gran Cançellê, in funsion de Segretaïo Generale, spëta a cura e o svolgimento de tutte e pratiche sociali.
Al duî Vice Gran Cançellê, che sostituiscian o Gran Cançellê in ordine de anzianitae, in caxo de sò assensa o impedimento, spëta in ciù l’incàrego speciale de l’inquadramento di Soci, da conservassion dell’archivio e da cura do patrimonio sociale.
A-o Console Tesorê spëta a tegnùa da contabilitae, da cascia e a compilassion di bilanci.
A-o Bibliotecaïo spëta o compito de l’organizzassion e da tegnùa da Biblioteca sociale.
In caxi eccessionali o Consolato o peu nominâ pe brevi periodi e pe incareghi temporanei,
di Consoli azzunti piggiae tra i soci particolarmente competenti in quella determinata materia
ch’a l’interessa
O Consolato o cura a missa in atto de direttive da Consulta.
O gh'à in custodia o patrimonio sociale e o relativo inventaio; o controlla l’attivitae de commiscioìn e o ne presenta e relassioìn ä Consulta pe-a ratifica; o prepara e relassioìn annuali, morali e finansiarie da presentâ a-o Parlamento previa approvassion da Consulta.
E sedute do Consolato, ch'o se radunià de norma ogni settemann-a, saiän valide con a presensa d'un terso di sò componenti. E sò decisioìn saiän valide se piggiae a maggioransa di presenti.
Spëta a-o Consolato decidde in sce l’ammiscion d’un neuvo Socio; o Consolato o no l’é tegnùo a motivâ un eventuale giudissio negativo.
L’aspirante Socio, a domanda do quae a no segge staeta accettâ da-o Consolato, o porriâ appellâse ä Consulta.
Tutte e càreghe sociali son gratuïe.
E eventuali vacanse do numero di Consultoî e di Consoli saiàn coverte «per cooptazione e pro tempore» a cura do Consolato con ratifica da Consulta.
I Componenti da Consulta e do Consolato che sensa motivo giustificòu no intervegnissan pe ciù de trae sedute consecutive a-e riunioìn scazziàn da-e rispettive càreghe e doviàn ëse sostituïi
O Consolato o porriâ sospende in attéisa do provvedimento disciplinare, quelli Soci che vegnan deferïi a-o Collegio di Probiviri.
Compito di Probiviri o l’é quello de decidde i provvedimenti disciplinari in ti confronti di Soci; contro e decisioîn do Collegio di Probiviri, i Soci án diritto de ricorrî a-o Parlamento, in to termine de 30 giorni.
O patrimonio o dovià, in tale caxo, ëse destinòu a-o Comune de Zena.
Pe tutto quello che no l’é contemplòu da-o Statùto, provvedià o regolamento interno de competensa da Consulta.
O presente Statùto Sociale o l’é staeto approvòu in ta riunion do Parlamento do 22 arvi do 1972 e aggiornou a tutto o 23 de novembre do 1991.
Se tratta de taere, de usanse e de dialetti zeneixi, Comuni che se ciamman sempre in gran parte «Ligure», comme: Neuve, Rocchetta, Cabella, Albera, ecc., e che in gran parte, specialmente a valle do Lemme, parlan zeneize sccetto: tutta gente che ogni votta ch’a l’à posciùo a n’à mancòu de manifestâ a sò voentae de riunîse finalmente ä famiggia Ligure e a Zena Moae.
