A-I COMUNI DE CARLOFÒRTE
E DE CADESEDDA CHE COSTITUÌSCIAN
A COMUNITÆ TABARCHINN-A

inta quæ s'é mantegnùo vivo l'uso da lengua zeneise
che i vegi Pëgin aivan portòu a Tabarca in Tunixia
do Çinqueçento, e che do Setteçento i Tabarchin
an stramuòu in Sardegna insemme à tutti i atri uxi
e tradiçioin che ne fan, a-a giornâ d'ancheu, un recanto
de Liguria a-o de là do mâ.
I doì comuni che se treuvan a gestî l'ereditæ e o
presente de l'espeiensa tabarchinn-a, son ascì tra i ciù
attivi inte l'òpea de valorizzaçion e de promoçion
do patrimònio linguìstico lìgure, e se deuvian con tutti
i mëzi pe asseguâne o mantegnimento a-e generaçioin
de l'avvegnî, co-a pinn-a cosciensa che l'uso vivo
o peu ëse aggiuttòu da unna attivitæ senscìbile
e costante de instituçioin

Zena
da-a Ciassa da Posta Vegia a-i 8 de zugno 1997

 
[ Chiudi ]

Sito: A Compagna
Pagina raggiungibile dalla pagina: Vincitori dei Premi «A Compagna»